| Carol's profileCarol & Edward WeddingPhotosBlogLists |  Tools  Help |
|
|
Carol & Edward WeddingMarch 29 三月已經有一段時間冇寫過blog, 趁今日有d時間, 記低lee段時間所見所聞.
一月: 今年的農曆新年特別早(一月尾), 搞到我個個星期六都好似好忙咁, 因為要執屋, 又要去買新衫, 新鞋, 賀年用品, 行年宵市場....仲知就好忙, 跟住就要去唔同的地方拜年, 搞到成個農曆新年, 都好似冇休息過, 唔緊要, 一年一次冇所謂啦, haha!
二月: 忙完農曆新年, 又要忙住溫書, 雖然今次考兩科(Accounting I 及 Compter), 睇落lee兩科好似好易, 冇咩野要記, 但係對我黎講, 就超難啦, 而考試的結果就要等8-10星期(即係要等到4月尾先知結果), 超漫長呀! 我只求合格, 快d完成個 Degree課程, 咁就可以鬆一口氣啦.
三月: lee個月不停聽到公司傳出減薪的消息, 搞到個個人心惶惶, 最終lee件事亦都係幾日前發生在, 個日係黑色星期四及星期五(即26/3/09-27/3/09), 最後有d人就被減薪, 有d就.... 唉. 依家有份工已經好開心, 最緊要做好自己份工及本份, 希望香港的經濟快d復甦, 唔想成日聽到減薪...消息.
January 01 Happy New Year in 2009今日已經踏入新的一年, 即係2009年啦. Yeah.
今年的願望好簡單，希望身體健康，快ｄ完成個ｄｅｇｒｅｅ的課程，工作順順利利，盡快買樓，唔駛成日搬黎搬去，ｙｅａｈ
December 30 聖誕節踏入12月份, 係一個普天同慶的日子, 因為有好多假期.
而今年, 我亦過了一個很開心的聖誕節, 今年的節目非常豐富!
平安夜當晚, 我地去在食自助餐, 我地book在第一段時間(即5:30-8:00), 一來價錢平d, 而且食完之後, 可以有多d影相及行街, yeah...
今年我收到一份聖誕禮物, 非常之開心, hehe.
而聖誕節期間, 我同老公返在大陸玩在幾日, 我地今次去在 盤龍峽, 雖然坐船, 坐車, 坐車, 再坐車, 但都唔覺辛苦,不過都緊要, 最緊要同老公去. November 30 踩單車尋日, 我做在一件好耐冇做過的事, 就係踩單車, hehe!
依家秋高氣爽, 最適合就係去行山, 踩單車, BBQ啦..... yeah!
於是, 我地尋日一行數人就約埋係大圍火車等, 到真正踩單車的時間, 已經係下晏三點正, 我地沿住大圍火車站出發, 途經沙田, 大埔海濱花園, 科學園......, 我地原本諗住踩到大尾篤, 但我地去到大尾篤附近時, 已經差唔多六點啦, 所以我地都決定放棄踩上大霸, 我地交完車後, 就坐小巴返回大圍食野啦......食完野之後, 行在一陣間,就坐車返屋企,返到屋企就成個人散........
November 26 布婚今日係CAROL & EDWARD 結婚兩週年(即25/11/08), 又稱布婚, 意思係比較厚一些。
由於老公鍾意食自助餐, 所以佢就一早book定地方食飯, YEAH!
今晚食飯地方係九龍富豪酒店, 由於老公早到關係, 可以安排我地坐一張卡位, 而我去到的時候已經7:00, 嗚嗚....幸好當時餐廳裡面唔算太多人, 所以輪候時間唔算太長, 而今次酒店的主題係"龍蝦 + 鐵板燒" , 食到好多美味的食物, hehe.
食完晚飯, 我地就行去尖東, 散下步.....行在一陣, 就坐車返屋企.....
雖然今年冇咩特別驚喜, 但我已經好滿足啦.....yeah! 如果有禮物收, 就更加開心啦, hehe! November 23 搬屋記唔經唔覺, 搬入黎lee間新屋已經接近兩個月, 大至上都已經適應.
依家LEE度, 食野同買野勁方便, 價錢又平, 加上LEE度又近阿媽, 返屋企的指數都高在, 同埋自己COOK飯都多在, 唔知係未因為LEE個原因, 所以都瘦在少少, HEHE.
時間過得真係快啦, 唔經唔覺, 就黎結婚兩週年, (即25/11/08), 又等如布婚, 唔知到時會收到D咩禮物同驚喜呢!
September 18 搬屋記由於業主唔再續租俾我地, 我地已經搵到另一間新屋租住.
所以, 我地由今日開始執野, 原來當執野的時候, 有好多野都要諗下要唔要, 真係煩人啦.
搬完屋之後, 跟住就要將d野搬番晒出黎, 真係煩啦. 依家仲有好多野要跟, 真煩人啦.
|
||||||||||||||||||||||||||||||||||||||||||||||||||||||||||||||||||||||||||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
